慢步香城 EP 2 - 中環

今次社區小隊要去嘅地方係中環嘅後山。平時聽到中環呢個地方,就一定諗起好多商業大廈。今日我哋行入少少,為大家發掘中環不為人熟悉嘅一面。

📍結志街嘅街市 - 啲檔口將要賣嘅嘢擺晒出馬路,淨返條啱啱夠一架私家車過到嘅通道。

📍卑利街 - 遠遠已經見到好多人拎住酒,咬住份Pizza,同朋友一路傾計一路食嘢。

📍堅巷花園 - 四四方方嘅花園設計,加埋紅色同白色做主題,好似走入咗個童話世界咁。

想知更多啱啱講嗰幾個地方,就要留意逢星期二WannaPlay躍出去,社區小隊為你逐一介紹。而家先為大家送上呢段慢步中環嘅短片,一齊欣賞中環少見嘅一面。