屯赤草地|🌴小清新棕櫚樹配草地,竟然揀渠蓋位瞓?!🤢| 📌附詳細前往方法

最近天氣好,一於揀個小清新棕櫚樹群,配青葱草地嘆個週末!小編們今次嚟到屯赤 (屯門 - 赤鱲角)隧道草地實測呢度嘅天然床。嚟呢度嘅路線有少少複雜㗎,想知詳細點去,就記得留意我哋嘅影片啦!

去片:https://youtu.be/8tJjBey89c0

📌 屯赤隧道草地 天然床 (天然床特約隊員評分)

🔸景觀:🌕🌕🌕🌗
又棕櫚樹 ,又青葱草地 ,加上無遮檔嘅沿岸海邊,小編有刻都分唔清自己係咪去咗加州!天氣好嘅話,仲有藍天白雲,微微涼風相伴添!

🔹抵達難度:🌕🌕
由屯門站搭K52號巴士出發,都要成45-60分鐘左右先落車。而且落車後仲要行大概10-15分鐘先入到去草地位置。雖然一路都係石屎直路,但花好耐時間先入到目的地㗎!

🔸好瞓指數:🌕
小編們喺草地上舖墊,立即引嚟大量蜘蛛同其他小昆蟲同我哋共眠🕷🐜🦗🥴於是最後喺渠蓋上面舖墊作為我哋天然床位置,可惜石屎渠蓋十分堅硬,對瞓底後嘅背脊十分唔友善。有啲渠位仲有積水呢,大家要注意衛生呀。

🔹整體分數:🌕🌕🌕
總括而言,屯赤草地確實係個輕鬆渡過週末嘅好地方,打吓卡、影吓相、坐低同朋友傾吓偈都十分好。不過我哋各位小編都唔推薦喺到瞓覺啦😰

📌 ⚠️注意事項⚠️
草地附近都有好多花王辛苦種嘅樹木幼苗,記得行過嘅時候小心唔好踩到呀!
惹蚊嘅朋友記得帶蚊怕水啦。
呢度好開揚,有瓦遮頭位好少,烈日當空,小心中暑。
自己垃圾,自己帶走!(小編見到嗰度垃圾桶full晒,附近都有好多垃圾堆積😢)

🚦🚶🏻‍♂️詳細前往方法:
屯門站C出口 / 屯門站巴士總站搭K52號巴士🚎,喺望后石站落車之後直行轉左。經過消防局過馬路,沿住浩逸街行到尾,喺迴旋處過對面,沿海邊直行就到浩和街。棕櫚樹同草地就喺你前面!
(最方便快捷梗係,屯門站F出口搭的士🚖直接到浩和街落。我哋當日仲見到好多人自己揸車去,浩和街街尾泊住好多私家車添🚘。)

如果鍾意我哋嘅影片🎥,或者想支持吓我哋channel😚,記得like呢條片👍🏻,subscribe我哋channel🤩,再分享俾朋友仔👥。仲可以㩒埋新片通知鐘仔添🔔!歡迎大家喺留言區俾吓意見、傾吓偈❤️。

——————

隊員:tt、文青、渣渣輝
攝影及剪接: 文青 (IG@mkenneth.art)

——————

WannaPlay躍出去
重視玩樂🎪|細味生活🦦|凝聚社群👥
Instagram: https://www.instagram.com/wannaplay_hk/
Facebook: https://www.facebook.com/wannaplayhk/