石硤尾 - 香港第一神秘「公屋」: 大坑西邨

📌行過似公屋,原來係私樓?🤨

#大坑西邨 作為居民由#石硤尾站 行去#南山邨 嘅必經之路,相信唔少人都會俾佢殘舊外牆帶來嘅頹廢風格所吸引。🌋邨內似公屋嘅設計,亦都令人不禁認為大坑西邨係#香港公屋 嘅一分子。不過住開公屋嘅朋友或者會知道,每條邨都有房署嘅屋邨辦事處。惟獨大坑西邨,你點搵都唔會搵到。

無錯啦,呢到其實係#私樓 嚟㗎~🏢一九六五年落成嘅大坑西邨,屬於因#石硤尾大火 後而促成嘅屋邨之一。當時政府以特惠地價批出土地俾香港平民屋宇有限公司興建大坑西邨,並且要求對方提供不少於1,600個單位,以相宜嘅價錢,出租俾低收入人士。全香港只有大坑西邨#私人屋苑 以呢種方式嚟營運,係絕無僅有㗎!

📌末日風 打卡勝地?噓!小心保安出沒👾👾

小編本身當日真係只係路過,嗰時去完#石公 已經好攰打算走,不過又有少少想去南山邨食野,所以就慢慢行過去。殊不知經過大坑西邨時,見到大大嘅鐵絲網閘後,長櫈上坐咗個街坊look嘅阿姨不時向上望。羊群心理下,我又跟住向上望,即時被大坑西邨嘅大廈所吸引。大廈外牆早已佈滿灰灰黑黑嘅痕跡,並由款式相對破舊嘅窗戶所組成,細睇真係好入型入格。🥸走入邨內,四周嘅大廈風格統一,好有被大型荒廢建築物包圍嘅感覺。儘管如此,穿梭其中嘅人不時提醒我呢到唔係一個遺跡,而係真實有人住嘅地方。

當我一路行一路忍唔住影相嗰陣,保安無聲無息地喺我隔離出現,真係嚇咗我一跳。我行咗咁耐,都見唔到有好正式嘅辦事處,保安突然嘅出現更係加深咗我對呢個地方嗰份末日神秘嘅感覺。不過回過神來,佢開口話:「唔好再影相啦,會有街坊投訴㗎!」當時我心諗:okok無問題,反正我都已經影夠了。🚬

📌神秘之地 — 街坊的日常生活空間🚶🏻‍♂️🚶🏻‍♀️

不過離開邨後諗翻,其實小編每每見到有人介紹公屋,或自己而家不時遊走於居民生活嘅地方,內心不時都會有種掙扎:每當我嘗試享受呢個地方獨特嘅建築、風土人情並且感到滿足時,內裡又會深知自己呢份享受係作為一個外人先有。例如當我哋走進大坑西邨,可能覺得「末日風」好正,但居民可能早已長年受樓宇殘破等問題所困擾;當我哋滿心歡喜地影相時,街坊可能只係覺得被監視📺。不過有時睇到一啲外國街頭攝影師嘅影片,當有路人對被攝稍有不滿時,攝影師通常都會大方地講出自己嘅目的,並主動傳送相片副本俾對方。過程中因著交流而彼此理解,繼而化解咗起初嘅衝突。有時都希望自己可以大膽啲講出自己做社區小隊系列嘅目的,更真實地瞭解社區。🏡不過除咗有時因來者兇兇☠️令我驚咗之外,其實好似今次係經保安來阻止咁,於未能接觸投訴者嘅情況下,無法同街坊有更真實嘅交流。因此無奈地,小編我都只係成為咗邨內另一位滋擾者吧。

無論如何,呢條邨已經有55年歷史,入面好多設施已經相當破舊,天花出現 #鋼筋外露 情況都唔係咩特別事。因此嚟緊呢到將會重建,重建後有1,300個單位會俾翻目前嘅居民居住,喺到祝福大坑西邨居民嘅生活可以隨著重建於未來得到改善。