石硤尾 - 「打卡勝地」石硤尾,熟悉又陌生嘅地方?

📌「打卡勝地」#石硤尾

近年,石硤尾成為咗香港人嘅打卡勝地:南山邨、JCCAC、「石公」,喺唔同嘅Instagram帳號都不時見到呢啲地方嘅蹤跡。

「咩話?原來呢度係石硤尾嚟㗎?咁artistic嘅?」
「石硤尾喎......除左#南山邨 之外,errrr🤔…..其他我真係唔太知」。

無錯,石硤尾 真係好多靚人靚景。不過我地喺到打卡嘅同時,其實石硤尾又係一個點樣嘅地方呢?

📌石硤人⋯

睇返2016年嘅人口普查📊,石硤尾其實係屬於深水埗區嘅一份子。呢度大約住咗6萬4千人,當中又以15歲以下及15-39歲嘅人為主,佔咗成個石硤尾人口嘅40%有多🤨。當然,以年齡劃分嘅話,單係40-64歲嘅中年人口就已經佔左接近40%,中年嘅居民居多。不過就咁睇,石硤尾都算較年輕嘅一區,年齡中位數係47歲。

石硤尾區居民每月主要職業收入中位數係$12,000,上25%則為$16,000。就咁睇起上嚟,即使係2016年,大概都只係啱啱好夠用。

📌石硤地

又係石硤尾邨?🤨
石硤尾最出名嘅就係#石硤尾邨 。大概不少80、90、00後都喺父母口中聽過石硤尾木屋區嘅大火。1953年嘅呢場大火促成咗石硤尾邨嘅建成,分為上邨(廉租屋)及下邨(徙置屋邨)。

「石公」🎪
不過石硤尾邨咁出名就唔再多講啦。講開打卡唔知你地又有冇去過「#石公 」#石硤尾公園 呢🤣?石硤尾公園鄰近CityU,由地鐵站行上去,穿過幾條樓梯,就會見到由幾個圓形同曲線組成嘅平台。行喺上面就好似入咗孖寶賽車嘅賽道咁,行前少少更係傳說中嘅隱世打卡勝地📸。至於呢個隱世地方點去、有啲咩,就請你繼續留意嚟緊我哋「石公」嘅post啦!

私營嘅公屋?🏢
而我地去嘅另一個地方#大坑西邨 就更加特別。看似殘破嘅樓宇外牆,卻充滿住歷練同滄桑感。外牆嘅痕跡更成為咗成條邨風格嘅一部份。不過唔講唔知,有啲人話呢度係一條「私營嘅公屋」。外人就咁行入去,根本唔知究竟由咩人管理。以為呢度只淨低因重建而有待再安置嘅居民,但一不留神就會俾神出鬼沒嘅保安用眼角望一望你,好似一眼就知邊個係邨內邨外人咁😬。同樣邀請你繼續留意嚟緊我哋大坑西邨嘅post,一齊揭開石硤尾神秘屋邨嘅面紗!