石峽尾以外嘅「石峽尾公園」?

📌 一個咁大咁正嘅公園,竟然咁少人?

#石峽尾公園 話就話喺石峽尾,但其實佢係橫跨咗 #石硤尾 & #九龍塘 兩區嘅,由#石峽尾地鐵站 一直斜路上,再行一段登山小徑,就可以嚟到呢個公園🌟。如果計埋地勢,小編覺得呢個公園其實近九龍塘多啲😕。

聽到「石峽尾公園」個名,小編腦中好快就浮現屋邨公園嘅場景,咪就係一啲成日見到嘅設施,俾小朋友盪吓 #韆鞦 ,俾老人家做吓#晨運 咁囉🤨 但原來呢個公園嘅真身一啲都唔頹,佢佔地足足8公頃,設有#健身室、#兒童遊戲室、#人工攀石牆、#網球場、#水池、#人工瀑布 等等,你諗到同諗唔到嘅,都可能可以喺度搵到😮

📌 如果... 我和80年代翁美玲有個 #約會

上面講嘅設施一聽就知啱啲運動愛好者⚾同埋一家大細👨‍👩‍👧‍👦嚟玩。本身小編都係咁諗,但當我行到去水池位置時,I changed my mind! 一行到嚟呢個位,即刻俾啲粉紅、粉藍色嘅景物吸引住。啲牆、樓梯同欄杆都好match 同超上鏡📸。配合埋好天氣嘅話,一班friend 嚟呢度影相,求其影都已經影得好滿意👍。睇返啲舊相,原來 #翁美玲 (註:80年代當紅女星,曾飾演 #黃蓉 一角為肖為妙,其後被譽為「#永遠的俏黃蓉」) 喺80年代嘅時候已經喺呢度影過唔少靚相😍。雖然已經過咗廿幾三十年,但係呢度個景似乎變化唔大。望吓個景,再望吓翁美玲啲相,突然覺得自己好似同 #80年代 嘅香港有種connection 嘅感覺🖇️,我喺呢度行過嘅路,摸到嘅牆,影過嘅相,可能30年前都有人喺度做過一樣嘅嘢,但佢哋生活喺完全唔同嘅年代,完全唔同嘅香港。三十年喇... 嗰時嘅人而家變成點,我哋嘅香港又變成點呢😐?如果翁美玲 #時光穿梭 嚟到2021年嘅香港,佢又認唔認得呢個地方呢😶?

文: 小編Mann