深井 - 馬路邊嘅小小沙灘 — 釣魚灣泳灘⛱️

📌釣魚灣泳灘:一齊去沙灘釣魚?

釣魚灣泳灘,顧名思義,就係一個適合釣魚🎣嘅沙灘。但點解會喺沙灘釣魚咁得意呢?原因係沙灘中間嘅位置有2個碼頭⚓,分別係釣魚灣碼頭同埋深井公眾碼頭。大家除咗喺度等街渡去馬灣之外,仲可以喺度釣吓魚,過吓日晨🌤️。

釣魚灣泳灘係荃灣最西邊嘅康文署泳灘,全長200公尺,屬於區內較細嘅泳灘。雖然呢個沙灘咁細,但人流絕對唔少👩‍👩‍👦‍👦👨‍👨‍👧‍👧。可能因為地理位置再加上咁受歡迎嘅原因,呢個泳灘平日大部分時間水質都係「一般😐」水平嘅 (小編當日所見,海面上都有啲小型垃圾漂浮😶,或者呢度都唔係一個太適合游水嘅泳灘啦🤢) 。

雖然呢度可能唔係太適合游水❌,但如果你抬頭望遠啲嘅話😮,就可以睇到馬灣同埋三條大橋🌉:汀九橋、青馬大橋同埋汲水門大橋。所以如果喺度野餐,個景都唔錯㗎😛!

📌你想嘅話..馬路隔離都可以「路」營

香港土地問題大家不嬲都知㗎啦🤐!如果同你講,weekend 想chill 吓,除咗露營之外,仲可以「路」營,咁你又有冇興趣呢😏?

小編當日所見,雖則沙灘細細,但就有唔少人喺度野餐🍙同紮營🏕️。隔離就係車來車往嘅馬路,但隔一個欄杆之後,只需要一個帳蓬⛺+幾個朋友🧑‍🤝‍🧑👭+大堆零食🍫🍬🥜,就創造咗一個屬於自己嘅快樂小天地。當下喺大家眼前見到嘅就只有一班笑到見牙唔見眼嘅朋友仔😆,聽到用電話播嘅音樂🎶📱,食到脆卜卜嘅蝦片🦐。呢個只係馬路旁邊嘅迷你沙灘?Who cares🤷? 搵到一班志同道合嘅人,一樣可以好開心咁enjoy 當下嘅moment!如果可以嘅話,小編都好想約到幾個唔介意同我坐喺馬路邊嘅朋友😗,一齊試下「路」營🛣️。

不過比起空間,香港人更加冇嘅可能係時間⏰。尤其是出嚟社會做嘢之後,每日返工放工... 返工又放工... 😫好似將自己啲時間奉獻👐晒俾份工咁,好難先捱到去weekend,但係平時返工已經咁攰☠️,weekend 真係想唞返吓🙈。出去?去邊度?約邊個?唔知喎... 不如都係留返喺屋企瞓吓💤煲吓劇💻好過啦。但係咁嘅生活真係好頹🙁,可以嘅話,我都好想可以改變吓呢種重重覆覆嘅生活🧐,搵啲嘢試吓玩吓,唔想從此就變成只係社會上嘅一個齒輪⚙️。

文: 小編Mann

📌救命!好迫!

睇完小編Mann篇嘢,第一下個感覺係:好迫!雖然同一大班人一齊好似好chill咁。不過......大佬呀!平日已經日日迫地鐵,而家放假嚟海灘玩都要同你喺到一齊迫,唔好啦......嗰三條大橋喺咁嘅情況下,只會提醒咗我香港真係一個人好多、好_繁忙嘅地方。或者小編我已經離開咗中學嗰種非常嚮往熱鬧、好多人一齊玩嘅生活,依家如果有難得嘅假期,我只想靜靜地、人少少咁搵個地方影吓相、放鬆吓。又細、又迫、又多人嘅釣魚灣泳灘?不了。

小編 渣渣輝閱