點解落雨會有落雨味嘅?

「落雨喇…」「你又知?」「我聞到落雨味呀嘛…」

落雨味 🌧️?雨係咩味㗎?雨嘅味道有啲抽象🤔,小編形容嘅話,會話佢好似係一種草青味咁🪴。但雨咪即係水💧,咁點解水無味,雨又有味呢?

對於「落雨味」嘅成因,坊間有唔同嘅講法,主流嘅解釋有以下兩種💁:

為咗阻擋水份流失,植物會喺表層產生一種油性物質🌱。當雨水接觸到呢種物質嘅時候,就會出現氧化作用,因而散發淡淡嘅#青草味 🌾 (即係落雨味)。

仲有一種講法認為「落雨味」係同一種叫「放線菌」嘅生物有關🦠。放線菌一般會喺泥土中搵到,佢會分解泥土有機物質,並喺過程中產生一種叫「土臭素」副產品,而呢種「土臭素」就係「落雨味」嘅來源。放線菌喺一般缺水嘅環境下會失去活力💀,但落雨時嘅水份就會令佢變得活躍,並形成更多土臭素 ,令「落雨味」變得明顯😮。

所以呢,雨水本身係無味嘅🤔,真正產生「落雨味」嘅係一啲被雨水激活嘅物質。之前我哋講過「陽光味 🌞」,今次又同大家一齊認識「落雨味 🌧️」,仲有冇啲咩味道係令大家有啲好奇呢?如果你哋有啲咩想知嘅,歡迎喺下面留言📃,下次小編再同大家一齊去探究啦!

文: 小編Mann