聞一聞醒腦提神--陽光嘅味道?

近排咁好陽光🌞,⼤家有冇去曬被呢?收返張被返嚟,攬住索⼀啖~好正呀😍~係陽光嘅味道呀!但你⼜知唔知其實呢陣陽光味道係咩嚟嘅呢?

有都市傳說講,呢陣咁清新嘅味道...其實係塵蟎喺陽光下被烤熟嘅味😧。被上⾯佈滿成千上萬粒塵蟎,喺太陽下暴曬死亡,⽽我哋⼤⼤⼒⼀吸,就係吸入⼤量塵蟎燒燶嘅屍體...超恐怖😱

等陣先🤚 fact check吓先,唔好人講你就信先得㗎😆 呢種所謂陽光嘅味道,其實係「臭氧」嘅味道。當陽光嘅紫外線照射到紡織物後,就會產生臭氧😯,釋放出我哋所認識嘅陽光味道。其實即使係一條新嘅毛巾,上面冇乜塵蟎,喺攞去曬之後都可以產生到陽光味㗎😀。

所以,陽光味並唔係傳說中講到咁恐怖,來自曬死嘅塵蟎屍體嘅🥲。大家下次再曬衫曬被嘅時候,可以放心咁再吸吓陽光味啦~❣️