殘奧最大騙局--冒牌嘅殘奧運動員

呢排殘奧進行得如火如荼🔥,港隊嘅運動員都非常厲害,至今已經為香港攞咗兩面銅牌🥉🥉。

大家睇完奧運再睇殘奧,望住運動員喺場上比賽,再企喺頒獎台上攞獎牌,唔知大家又有冇幻想過自己都可以參加奧運呢種大型國際比賽呢🏆?

(奧運參加唔到啫,可能可以參加到殘奧呢...?唔知我哋參加殘奧嘅話,會唔會贏到呢🤔?)

原來已經有人將呢個幻想付諸行動。今日零下二七三就同大家一齊睇吓呢個殘奧史上嘅最大騙局🥸。

喺2000年嘅時候,西班牙智障籃球隊以超卓嘅表現,喺悉尼殘奧會上奪得金牌🥇。但之後就俾人發現,當時西班牙代表隊嘅12個參賽運動員入面,只有2個真係患有身體或智力方面嘅殘疾😐,而其他10人都係身體同智力完全正常嘅人。原來當時嘅西班牙智障運動協會會長為咗令西班牙國家隊奪得更多金牌🎖️🎖️,竟然涉嫌安排至少15名沒有任何身體或智力殘疾的運動員假扮智障運動員,參加殘奧會比賽🤯。

改編自呢單醜聞,法藉導演Vianney Lebasque 仲執導拍咗一套名為《非常籃團🏀》(Team Spirit) 嘅幽默喜劇。劇情好笑得嚟又幾熱血,好適合大家同另一半/朋友睇🎥,一齊笑同輕鬆吓,仲可以認識殘疾人士有天賦嘅一面,大家有興趣就搵返嚟睇吓啦🌝。

如果係你嘅話,你又會唔會為咗塊金牌而扮智障人士,參加殘奧呢🤨?扮嘅話,有冇人真係可以蒙混過關,冇人發現呢🤪?