捉伊人,認真玩

「今次到我做捉喇!俾10秒你哋匿埋,十、九、八……🙈」

好多人細個嘅時候都玩過捉伊人🏃,但隨住年紀愈來愈大,身邊就愈少人願意陪我哋咁玩,又或者係冇時間再玩🕛,於是漸漸地就冇再玩過呢個咁經典嘅遊戲喇😩。

但如果我哋話你知,原來世界上仍然有一班熱愛捉伊人嘅人🔥,佢哋大個咗之後唔單止冇放棄到玩捉伊人,仲好認真咁想搞起呢個遊戲👓,將捉伊人變成一個正式嘅大型國際賽事,你又有冇興趣參加呢🌝?

World Chase Tag Association 係世上第一同唯一嘅捉伊人比賽聯盟,佢哋想致力促進喺世界各地舉辦有國際標準同規則嘅大型賽事🏆。截至2020年10月,呢個聯盟已經成功招募到來自唔同國家嘅參賽者🇺🇲🇬🇧🇯🇵🇨🇵,喺美國同英國等地舉辦咗幾場比賽。同平時常見嘅運動比賽唔同,喺捉伊人比賽入面,參加者不論性別🎎同年紀👶🧑‍🦳,都係可以參加同一場嘅賽事。

雖然呢個聯盟係一對兄弟Christian and Damien Devaux喺2011年嘅一場捉伊人比賽後,一時興起而創立嘅🪄。但本住自己對捉伊人嘅熱誠,佢哋認真咁經營呢個聯盟,堅持自己搞捉伊人國際比賽嘅理想🎯,佢哋喺呢十年間將呢個聯盟同捉伊人比賽做得愈來愈有聲有色📢,甚至香港都有人特登去攞World Chase Tag Association 嘅認證,然後搞咗一個「香港捉伊人總會」🇭🇰,去幫手一齊推廣捉伊人賽事。

如果疫情過後,World Chase Tag Association 又再舉辦國際捉伊人比賽,你又會唔會有興趣參加呢👾?Share 定呢篇文俾你啲potential 隊友睇,遲啲一齊組團去比賽啦😉!