拜見貓大人 — 貓奴是如何煉成的?

狗狗:「人類俾地方我住,俾嘢我食,佢哋一定係上帝喇🤯!」
貓貓:「人類俾地方我住,俾嘢我食,我一定係上帝喇👑!愚蠢嘅人類,仲唔快啲開罐罐😤?」

明明啲貓又串,有時又周圍搗亂,仲最鍾意喺你做嘢嘅時候搞亂檔添😑!但係,無數嘅人類仍然自願成為貓奴,服侍主子到妥妥貼貼,究竟點解呢🤔?有關呢個咁神奇嘅問題,原來仲有人出過書嚟探討添:《我們為何成為貓奴?》(原文書名:The Lion in the Living Room: How House Cats Tamed Us and Took Over the World),大家如果有興趣認真研究嘅話,可以搵返本書嚟睇下🔍,不過今日小編就節錄咗啲重點,簡單咁為大家解答咗呢個問題先🥸。

原來我哋之所以覺得貓咁可愛,係因為佢哋牽動咗我哋與生俱來嘅機制「#幼兒基模 👶」(baby schema)。呢個理論係講緊一啲嬰兒嘅特徵,例如水汪汪嘅大眼👀、細小嘅身軀、高音嘅BB聲,都會令人體產生一種令人覺得愉快嘅荷爾蒙🥳,令我哋對擁有呢啲特徵嘅生物產生喜愛同想保護佢哋嘅欲望🥰。

而貓嘅外形就正正符合以上講過嘅嬰兒特徵🐱,佢哋嘅體型細小🐈,啱啱好就同人類嬰兒嘅大小、重量差唔多,再加上佢哋擁有一對位於面部較中央位置嘅大眼。呢啲特徵令人類一見到佢哋就好自然聯想起嬰兒👶,將天生喜愛同想照顧嬰兒嘅反應,自動投射咗喺貓身上📽️。換言之,貓貓冇講錯㗎,我哋都真係幾愚蠢,一直心甘情願咁都俾貓貓玩弄,自己將佢哋同人類嬰兒聯想埋一齊,再衝過去照顧同錫佢哋😍。

題外話一句:其實除咗貓貓之外,呢個「幼兒基模」仲可以應用喺其他地方㗎,大家知唔知係咩呢😏?知道答案嘅話,就喺下面留言啦!我哋遲啲會再喺story 開估👻!

如果大家鍾意呢篇冷知識嘅話就俾個like❤️,同埋share💌 出去俾friend 睇啦!你每個like 同share 都係我哋繼續努力嘅動力嚟㗎💪!如果大家有啲問題一直想知點解嘅話,亦歡迎喺下面留言/ inbox 我哋💬,我哋可能會喺嚟緊嘅「零下二七三」入面答你㗎😉!

#tag晒你啲貓奴fd入嚟
#話俾佢知佢主子係點收服佢嘅

文: 小編Mann