如果世界冇冷氣機⋯⋯

夏日熱辣辣,成身痴笠笠🥵 一入冷氣房,成個人爽晒舒服晒🤗!日日都天時暑熱,冇冷氣點搞呀?

如果一撻手指,呢個世界嘅冷氣機全部消失晒💀,大家可以點樣渡過炎夏呢?其實喺1906年 Willis Haviland Carrier 發明空氣調節技術之前,全世界都係未有冷氣機嘅,咁嗰時嘅人又有啲咩方法令自己唔使熱到中暑呢😧?

古時有錢人/貴族嘅屋企就有冰窖🧊,佢哋會喺冬天嘅時候,儲埋啲冰放入冰窖,等到夏天再攞返啲冰拿出來,利用冰融化時會吸熱嘅原理🌡️,喺室內放置冰塊嚟降溫消暑。去到唐朝之後就出現咗啲賣冰嘅商人,佢哋喺冬天時收集同儲藏冰塊,再喺暑天時攞返出嚟賣💰,冰開始變得平民化,普通人都可以用到冰塊嚟消暑。

而除咗善用冰嚟做室內降溫之外,另外一個令室內空間溫度低啲嘅方法,就係喺地下居住🛖。雖然喺地下居住嘅空氣一定唔太流通,但因為長期都冇陽光照射,室內可以穩定地維持比外面低嘅溫度😗,可以用作暫時避暑之用。

古人除咗用冰嚟室內降溫,佢哋仲會用嚟製作凍飲同冰鎮食物,都幾識嘆㗎😌!喺元朝喺時候出現咗一種叫「冰酪」嘅食物,呢樣嘢食就係雪糕嘅前身,佢主要係用牛奶🐮同冰🧊整成,但就比我哋所認識嘅雪糕流質,似係一種半固體、半液體嘅狀態。當時嘅皇帝將製作「冰酪」嘅方法珍而重之,後來係意大利嘅Marco Polo 嚟作客,先至將呢個珍貴嘅食譜送俾佢帶返意大利🇮🇹,其後呢個食譜再輾轉去到英國,英國人將佢改良成今日大家認識嘅雪糕,並逐漸變得普及😋。

睇到呢度,身處現代嘅大家有冇覺得自己都幾幸福呢🥰?經過咁多代人嘅努力,依家我哋大部分嘅人都可以隨意就享受到冷氣,食到雪糕,用各種唔同嘅方法嚟消暑。如果俾個挑戰大家😏,要你哋一星期唔涼冷氣,唔飲冰嘢/食雪糕,你哋又做唔做到心靜自然涼呢😙?

文: 小編Mann