好玩嘅健力氏世界紀錄

成日掛住玩,日日玩你可以有咩作為呀?😔但你有冇諗過,如果玩一樣嘢玩得夠認真嘅話,可能你可以玩到成為全世界玩得最叻嘅人?🏆

睇一睇健力氏世界記錄大全,發現裏面充滿住貪玩嘅人😃 而就正正因為呢份貪玩,佢哋竟然創下一個又一個(至今)世界上最勁嘅紀錄😱

講到打破世界紀錄咁勁,我諗做到一個世界紀錄已經好屈機啦!但你估下,呢個世界上擁有最多世界紀錄嘅人有幾多個紀錄?🥇🥈🥉

暫時擁有最多世界紀錄嘅人叫Mr. Ashrita Furman👴🏻。根據官方紀錄,呢位人兄現時最少有191項健力氏世界紀錄,包括可以喺下巴疊到最高嘅玻璃杯塔🥛、轉到世界上最大嘅呼拉圈⭕、用牛皮膠紙將自己痴上牆最耐🕸️等等。可惜嘅係,即使Mr. Furman 創造咗咁多世界紀錄,健力氏世界紀錄呢個機構都係唔會俾任何獎金佢嘅💔 sadddddd

咁你哋呢?你哋同啲friend又有冇啲無聊好玩嘅諗法想試吓?樓下comment分享吓啦🤪 或者有朝一日,你哋都可以喺健力氏世界大全入面,留低你個大名同紀錄㗎!📔📖

文:小編Mann