腳骨力大挑戰!由荃灣行山入深井?

有腳🦶行嘅話點解要搭車🚌?今次社區小隊決定同大家一齊行山,由荃灣經「元荃古道」行落深井。

「元荃古道」係一條以前新界村民往返荃灣同元朗嘅古老山徑,以前元朗居民需要經過呢條古道🩴,先可以拎佢哋啲農作物🌽🥬去荃灣市集賣,所以可以話佢哋搵食💲都係靠呢條古道。除此之外,以前為咗方便山區 / 偏遠村落小朋友返學🎒,政府喺50年代嘅時候喺古道附近起咗蓮花山公立學校⚒️,但係呢間學校喺80年代左右已經荒廢咗。
喺我哋行落深井嘅路途上,我哋都會經過呢間學校🏫,到時就同大家一齊睇下呢間香港嘅山區學校嘅面貌,同埋體驗下到底喺交通配套發展成熟之前,香港人到底係幾有腳骨力啦🦵!
如果鍾意我哋嘅影片🎥,或者想支持吓我哋channel😚,記得like呢條片👍🏻,subscribe我哋channel🤩,再分享俾朋友仔👥。仲可以㩒埋新片通知鐘仔添🔔!歡迎大家喺留言區俾啲意見、一齊傾下偈❤️。

社區小隊 :小編Mann,爬爬,渣渣輝
攝影及剪接: 文青 (IG @mkenneth.art )