Staycation合集~🏩

成年幾兩年無得去旅行✈️,依家啲食肆又10點就閂🙅🏻‍,想同朋友搵個地方hea耐啲都唔係咁易🙍🏻‍♀️。

一到假期就會好想同朋友staycation玩返晚通宵🤩,所以今次小編揀咗3間酒店同大家分享一吓入住體驗🧐,等大家多個參考🥳~

(1) 黃金海岸酒店
雖然佢個位置比較隔涉🛣,但其他配套完全搭救返呢個小缺陷😚。

小編預訂嗰間房,大到同朋友亂跑🏃🏻‍♀️亂跳💃🏻都唔係問題,唔會有種屈喺酒店嘅感覺😆。

房入面仲有個露台,可以喺嗰到睇日落🌄、日出🌅同夜景🌃,望落樓下仲有個夏威夷風嘅泳池🏝,令人有種離開咗香港嘅感覺😍。

除咗樓下嘅泳池之外,想再盡情啲玩沙玩水,行出少少就係黃金泳灘同新舊咖啡灣泳灘🏖,可以同朋友盡情曬太陽☀️同嬉水🌊。

想食酒店以外嘅餐廳嘅話,行遠少少可以到到黃金海岸商場,嗰到有住地中海嘅格調,令人好似置身於外國一樣。🥂
如果想喺香港嚟個有旅行feel嘅staycation,黃金海岸係個唔錯嘅選擇😆~

(2) 挪亞方舟度假酒店
除咗黃金海岸酒店,仲有無邊間係近沙灘🏖,方便我哋一玩完水就可以舒舒服服沖涼換衫嘅呢😚?咁就不得不提挪亞方舟喇🛳~

只要幾步路,就可以由酒店行到沙灘,一玩完水影完相📸,就可以迅速返返房沖涼換衫,唔使帶住一袋二袋身水身汗🥳。

除此之外,夜晚同朋友攤喺沙灘,傾住偈咁欣賞吓嘅汀九橋🌉同睇吓星星🌌,個感覺真喺好正🥰~

不過挪亞方舟美中不足嘅係啲房會偏細☹️,同埋即使有個露台,都無咩特別嘅景觀🥲。

如果係至在同朋友喺沙灘睇星傾偈🗣,同埋去離島放鬆一下,挪亞方舟都唔錯㗎😌~

(3) 千禧新世界香港酒店
每次喺尖沙咀食完飯,同朋友散步行去黃埔嘅時候,都會見到呢間酒店嘅玻璃窗上痴住好多氣球🎈,終於有一次喺係呢間酒店嘅窗邊👀,望返出去尖沙咀海濱花園🎉。

小編個人其實好中意香港嘅夜景🌃,所以可以由尖沙咀望向維多利亞港嘅酒店,小編都會優先考慮❤️。

尖沙咀嘅酒店其實都不外乎交通方便,附近多嘢食選擇同埋有維多利亞港嘅夜景陪伴☺️。

不過要揀嘅間酒店嘅話,要記得request高層少少嘅房,唔係嘅話,見到嘅景觀會係一半維多利亞港同一半紅磡繞道😖。

希望疫情快啲過去,到時分享嘅,可以係香港以外嘅地方同酒店啦😆😆😆

文:小編Cath