Cafe合集~

夏天同假期真係令小編好中意留喺Cafe入面過返一個下午😌,所以今次小編揀咗幾間去完覺得很可以嘅Cafe出嚟同大家分享😚(排名不分先後㗎)😝

(1) 呼吸星球
喺呢間咁復古懷舊嘅Cafe入面,打開Menu見到嘅竟然唔係意粉輕食,而全部都係和牛定食😧。嗰日本來唔係咁餓嘅小編心沉咗一沉😶,最後揀咗一個寫住適合口腹嘅女生淺嚐嘅火炙鹿兒島和牛小碗飯。點知一食入口勁有驚喜😱,佢用嘅係極上三角位,每塊都入口即化!令小編到依家都念念不忘🤤

而且無論平日定假日,呼吸星球都無限入座時間,令小編有種同身邊復古懷舊玩意一齊停留咗喺過去嘅感覺💭。

(2) E FOR EGG
由佢未搬去大店小編已經想去試吓佢嘅布甸吐司,但礙於小編無耐性所以一直未去。終於揀咗日平日晏晝去,點知都要等45分鐘先入到😕。

小編同朋友share咗個定食同布甸吐司,食物質素同味道其實很不錯(除咗個飯太硬)😖,但未到驚艷嘅地步。如果下次唔使等咁耐位,小編應該都會再回頭的。

但可惜嘅係,當你見到出面仲有咁多人等緊,就好不自覺哋想食完就快啲讓返個位俾其他人,變咗難啲同朋友慢慢傾偈慢慢食☹️。

(3) NN Coffee
西貢俾我嘅感覺總係匆匆忙忙同埋攰😮‍💨,因為入去通常都係為咗行山、去沙灘,或者其他水上活動。

而呢間Cafe終於令我將西貢同悠閒掛鉤😌。設有兩層嘅佢上層空間感十足,適合同朋友坐喺度慢慢享受。

佢啲手製意粉口感彈牙,不過小編覺得缺陷係油咗少少☹️

如果大家都有推介嘅Cafe,歡迎留言同小編分享!🥰

文:小編Cath