皇后山軍營印度廟

小編最近終於有時間親親大自然,放鬆一下喇。一於跟著小編嘅腳步⛰,一齊探索呢間行5分鐘路程就到嘅印度廟啦!

由正面望似皇冠狀嘅印度廟係由60年代駐守尼泊爾嘅踞喀兵建造,內部嘅牆身分別髹上超級搶眼嘅藍、紅色,配上黃色嘅天窗,陽光照落地下有種被聖光包圍嘅感覺❤️!

印度廟附近仲有依山而建嘅皇后山軍營,據悉軍營範圍有維園咁大。入面有數十間荒廢嘅綠色營房,依稀可見當時軍隊喺度生活嘅痕跡🏚,時間充裕的話可以探索一下。

🗺 前往方法:
喺粉嶺小巴站搭52B小巴🚌喺布格仔路落車
沿布格仔路直行,見到鍾記士多指示牌轉右就會見到公廁
喺公廁同施工地盤之間嘅斜坡,沿住鐵絲網直上,行大約100米就到喇🚶🏻‍♂️

⚠️ 溫馨提示:
行斜坡路段要注意安全,建議著返對波鞋比較好
軍營範圍同印度廟附近都超級多蚊,記得噴蚊怕水
打卡嘅時候,記得要好好保護歷史遺跡呀📸
軍營部分路段比較隱蔽,雖然有絲帶引路,但都要做足準備功夫,搵定回程路線📍

文: 小編文青