捉緊夏天的尾巴!

講到夏天,一定唔少得去沙灘同朋友玩水打卡🏖️,感受青春盛夏☀️!

所以小編們滑完水之後問咗教練推薦西貢邊個沙灘👀,最後決定去香港最靚嘅公眾泳灘---半月灣😆~

要去半月灣好簡單方便,喺西貢碼頭搭街渡,$40來回,20分鐘就到,仲每半個鐘就有一班船tim😚~

沙灘隔離嘅小食亭服務齊全,有嘢飲嘢食不在話下,仲可以租借太陽傘同大水泡,啱晒想打卡又怕曬嘅我哋🤩~

當日藍天白雲,配上水清沙幼,坐喺個水泡上面隨住海浪飄流嘅感覺真係好歎好寫意😌!

夏天同一大班朋友去沙灘真係一件好青春嘅事😍🥰!

小編溫馨提示:
(1) 最後一班船會喺6點開出,唔想太趕嘅話,最好5點開始還嘢同沖身喇😶‍🌫️
(2) 天氣炎熱🥵,記得要定時定候補防曬同飲多啲水!
(3) 自己垃圾自己帶走啊~😠

文:小編Cath