打卡系列回歸!

離島去到厭厭哋☹️,仲有啲咩地方好去呢~🤔
今次小編們就喺西貢搭船去咗外海小島 — 鹽田梓😆

就啱時間嘅話可以揀喺西貢碼頭搭街渡🛥,如果唔係,喺碼頭都有其他船家直接載人過去。🚤(小編們咁啱遇到嘅船家offer每人$100來回,無格到價我哋就直接上船,所以只係俾大家作個參考😚)

成程船嘅景色都好靚😍,仲見到好多人玩獨木舟直立板同滑水,勁有夏日氣氛☀️。

成個鹽田梓雖然唔算大,但都有唔少打卡位📸。自然光加上周圍嘅花草樹木🌳,真係點影都好有feel㗎🤩!

除咗打卡之外,細心留意仲會見到好多小動物🐕,例如招潮蟹🦀紅蜻蜓同唔同嘅蝴蝶🦋。
行到攰攰哋,仲可以喺鄉誼茶座休息一下,食吓豆腐花、茶粿😋,仲有檸檬薏米水、洛神花茶呢啲消暑飲品可以揀🤤。

趁個夏日仲未完,快啲約埋朋友出去玩樂吓啦~ 🥳

小編溫馨提示:
(1) 天氣炎熱🥵,記得帶足夠嘅水💧,搽定防曬同蚊怕水🥴
(2) 鹽田梓有唔少濕地,最好著防水/污糟咗都唔緊要嘅鞋👟

文:小編Cath