元朗錦田一日遊 (下集) - 理想 vs 現實中嘅「花田」

上集喺Cohee Studio填飽咗個肚,就出發去散步打卡,感受假期嘅美好啦!
小編選擇咗由Cohee Studio行15分鐘左右去錦田鄉村俱樂部,唔想行嘅大家可以揀搭小巴或者巴士入去㗎~

本來小編超級期待會見到一片一望無際嘅紫色花海(見到有啲Page嘅超吸引介紹),點知一去到,嗯,無嘢喇😀

說好的花海呢?!我見到嘅只有兩行咁大範圍嘅花田,仲要俾啲紅線同攞住長鏡頭嘅叔叔嬸嬸姨姨伯伯圍住。算唔算「花海」,大家睇完圖留言話我哋知啦。就吓角度都扮到「花海」嘅感覺嘅,但就到個「花海」又就唔到個人咁囉🥴

不過原來嗰到有比「花海」更靚嘅打卡位!喺邊?睇相感受吓啦!

本來心情真係有啲唔gur,覺得自己好似俾人呃咗入嚟咁,直至見到個日落!(麻煩大家碌一碌去第3幅圖先)

OMGGGGGGG~黃昏喺呢個位睇住個太陽慢慢落下真係好靚!小編有一刻覺得自己唔係身處緊喺香港呢!仲要好多樹木盤根錯節,真係咩角度同點影都很很很可以~不枉此行了。

(溫馨提示:樹木都有生命,影相打卡可以,但唔好坐/企上去、大力挨住/壓落去或者喺樹木上刻名刻字啊!靠大家保護住環境,香港先有更多靚景俾大家欣賞㗎嘛)

成個錦田鄉村俱樂部仲有好多位值得打卡值得去,例如大草地(俾$20就可以喺嗰到野餐)、士多啤梨園(可以即摘即買即食)⋯⋯仲可以喺嗰到餵兔仔、露營、BBQ、射箭同打War game!(不過最後3樣要疫情過咗先開返)小編表示推薦~

推薦程度:⭐️⭐️⭐️⭐️⭐️

文:小編Cath

——————
錦田鄉村俱樂部
📍元朗錦田水頭村684地段109
——————